Free website - Wix.com

أفكار .. لحمامات .. ممكن تطبيقها

هذي بعض الصور ... لتصاميم حمامات ( بيت الراحة ) .. عيبتني .. وممكن الواحد يستفيد منها ..

وهذا لنك الموقع .... فيه واااايد أشياء حلوه ... ومصنفه بشكل حلو

.....اضغط هنيه.....

مشاهدة ممتعة ..... بس أهم شي التطبيق

أفكار .. وصبغ جدران في بيتنا .. المجلس

هذا الميلس ... وكان الشغل عليه .. بلونين ( البنفسجي + السماوي )

وحاولنا نطبق هالشي على الاثاث بعد .. اخليكم مع الصور


هذي زاوية من الزوايا .. طبعا اللي يشوفها .. يقول شي طالع من المزهرية اللي على الزاوية



لاحظوا الطاولة والمله اللي داخلها ... حاولنا تكون الوانها مقاربه .. للاثاث والصبغ


حاولوا .. تشترون الورود .. والاكسسوارات .. بحيث تكون ألوانها قريبه من لون الاثاث والصبغ .. ممكن افتح .. وممكن أغمق .. التنويع زين



لا حظوا الزولية ... حاولنا انها .. تكون قريبه من الوان الصبغ ... وعلى فكره ما يضرك اذا كان اغمق او افتح

لاحظوا الستاير ... الغالب عليها اللون الازرق ... لكن من وراها .. شيفون بنفسجي فاتح .. وطبعا الستاره من تصميمي
والستارتين ،، كلفوني .. 1500 درهم ... بنفس الريقة اللي سويت فيها ستاير الغرفة .. بحيث انا اشتري القماش ،،، واعطيها مال الستاير عشان يفصّل لي ،، ويركّب ..


زاوية ثانية ..


ها .. ان شاء الله شوي تفتحت افكاركم .. للديكور؟؟

انا ادري في ناااااااااس واااااايدين فنانين في الديكور ... وحبذا لو ينورنا بأفكارهم .. عشان الواحد يستفيد ،، ويوفر على نفسه .. بدال ما اييب صباغين ،، وينصبون عليه

اصباغ وأفكار ..في بيتنا .. غرفة النوم

هذي غرفة النوم ... واخترنا فيها اللونين .. العنابي .. أو دم الغزال ... واللون الوردي الغامق ... واعتمدت على فكرة مكان غامق .. والمكان المقابل له .. افتح .. مع وجود نقوش .. بألوان مقاربه له

وبخصوص الستارة ... يمكن الصورة صورتها بسرعه وما انتبهت اني دست على الشيفون ... فاخترب شكل الشيفون من فوق ... المهم ... الستارة ... صراحة ما كلفت وايد .. وانا انصح اي واحد يبغي يسوي ستاير للبيت .. انه يسوي الآتي:

* خذ قياسات الدرايش ( الشبابيك ) اللي بيسوي فيها الستاير
* روح مكان يفصل ستاير ... وعطه القياسات مال كل دريشة .. مع زيادة 20 سنتي من كل جهة
* اختار التصميم اللي تبغيه .. سواء من تصميمك او من تصميمات الكاتالوج عنده..
* قوله كم تحتاج من قماش ( كم وار ) من الستارة الرئيسية + كم وار من الشيفونات .. او الاقمشة الثانية للتجميل
* روح سوق الأقمشة ( عندنا في بوظبي ) سوق زياني .. اللي ورا سينما المارية ... واختار الاقمشة المناسبة
* روح عند خياط الستاير .. وخله يبدأ الشغل .. واختار الحدايد اللي بتتعلق فيها الستاير ..

اذا مشيت على هالخطوات .. بتكون التكلفة أقل بواااايد ... واذا عندك ( دريل ) .. وانته تركبها بروحك .. بعد بتقلل التكلفة أكثر

أخليكم ويا الصور:

ها .. شو رايكم .. اصلح مهندس ديكور ؟؟؟ خخ

بيتنا ... الصالة

هذي بعض الحركات اللي طبقتها على الجدران .... في الصالة ... كنت حاب انها تكون الوان فرايحية ... وما تكون جامده

فقلت اشكل في الالوان والشخبطات الفنية ... مثل ما تشوفون في الصور ... طبعا ،، انا صبغت .. وبعدين خذت الاثاث

وانا رايي ان اللي يبغي يأثث بيته .. يسوي العكس

يعني يطلب الاثاث .. ويعرف لونه .. وبعدين يصبغ ... لانك اذا صبغت ،،، فبتحكر نفسك بألوان محدوده للاثاث ... وبتتعب في التدوير عن الالوان المناسبة ... فحطوا في بالكم هالشي ...

ان شاء الله عيبكم الشغل ؟؟

بيتنا .. وبعض الأفكار .. رأصباغ الجدران

طبعا هذي الصورة ... هي اول ما ندخل البيت نشوف هالمنظر .. اللي هو الدري ( الدرج ) .. اللي يودينا للطابق الثاني
واللي تشوفونه .. طبعا شغلي .. وسويته يوم العرس العصر .. وكان مفاجأة .. للأهل ... خخخ